The vicious guns o’ war still blast
Tae satisfy the tyrants lust;
When German Bosh or Huns run riot,
Tae conquer a’ or tae destroy it;
Tae dominate the whole creation
Has long been Hitler’s strong ambition.
But thee what had the nerve tae try it
This monstrous feat in days gone by,
Success could never long secure,
For aye they met an evil poor.
As history is again repeated
The demon’s sure tae be defeated.
At times like’ these we a’ think hard,
And bring tae mind our brother bard,
Whas worthy verse an’ he’rt-wrocht dither
Aye socht for peace, Guidwill tae ither;
The warl’ roon each man tae man
Should tak’ each ither by the han’
An’ howk the weed before it roots,
Tae rede the country o’ galoots.
Oh Rabbie! Were ye leevin’ noo,
Tae ken the strife that’s cam’ tae brew;
It a’ began lik’ wars o’ yore,
The cause the same as was before;
Pretentious cliques wi’ richly airs,
Watch hard-wrocht cullens lik their sairs;
They a’ oor truck abroad decided,
It seems noo that we were misguided.
They ken fu’ weel that we are ready
Tae keep auld Scotland free an’ steady.
The greatest lesson we hae learned
Was whar big money was concern’d;
Ah Rabbie man! Were you no’ richt,
Could your ideals but see the licht;
The wealthy find but empty woe,
In fear that ill-got gains will go.
Selfish gain is a’ their goal,
Regardless what their kinsmen thole.
These parasites that strutt like cuddies,
This rullin’ class o’ fuddy-duddies,
They tamper’d wi’ oor peaceful’ way,
An wad oor very freedom sway;
Remember hoo they spurned ye then,
A man o’ worth among a’ men.